المكرونة بالبشاميل

المكرونه بالبشاميل:
نصف كيلو مكرونه فرن
ربع لحمه مفرومه
نصف كيلو لبن
ثلاث ملاعق كبيره دقيق
بيضه
اول حاجه اسلقي المكرونه وامسكي وحده اضغطي عليها بصباعك اذا اتهرست بسهوله تبقي استوت صفيها واركنيها علي جنب
دلوقتي اللحمه المفرومه افرمي بصله متوسطه وحمريها في معلقه سمنه لغايه لونها ما يبقي اصفر بعدين حطي اللحمه وقلبي كويس لغايه اللحمه لما تستوي وبعدين حطي التوابل ملح وفلفل كمون
البشاميل ودي اسهل طريقه لعمله حطي اللبن والدقيق والملح والفلفل ومعلقه سمنه كل ده علي البارد قلبي كويس لغايه لما يختفي الدقيق ويدوب في اللبن بعد كده حطيه علي النار وقلبي لغايه لما تتقل في الحله
اطفي عليها وحطي البيضه وقلبي كويس دلوقت حضري الصينيه وحطي معلقه من البشاميل وادهني بيها الصينيه كويس بعدين حطي نصف المكرونه وبعدين اللحمه وبعدين باقي المكرونه واخيرا البشاميل غطي
بيهاالمكرونه كلها وممكن تحطي علي الوش جبنه رومي مبشوره لو تحبي حطيها في الفرن لغايه لما تحمر وشها وبالهنا والشفا
يارب تعجبك